सुन्दरहरैंचा / जेनजी आन्दोलनका क्रममा मोरङको सुन्दरहरैंचा नगरपालिकाको भवनमा तोडफोड र आगजनी भए पछि नगर प्रशासनले वैकल्पिक उपाय मार्फत सेवा दिन थालेको छ। प्रमुख प्रशासकीय अधिकृत विनोदकुमार न्यौपाने स्वयं कार्यालयको मुख्य प्रवेशद्वारमै बसेर सेवाग्राहीलाई आवश्यक कामकाज गराइरहेका छन्। भवनभित्रका कोठा प्रयोग योग्य नभएपछि ढोकाबाटै सेवा दिने व्यवस्था गरिएको हो।
नगरपालिकाले जनताको दैनिक प्रशासनिक काम प्रभावित नहोस् भन्ने उद्देश्यले ‘भवन भत्किए पनि सेवा निरन्तर दिने’ निर्णय गरेको जनाएको छ। तत्कालका लागि ढोकाबाट सेवा दिइए पनि परिस्थिति अनुसार अन्य वैकल्पिक व्यवस्थाबारे छलफल भइरहेको उल्लेख गरिएको छ ।