सुन्दरहरैँचा / इन्द्रपुर साना शहरी खानेपानी तथा सरसफाई उपभोक्ता समितिका अध्यक्ष नवराज चापागाईंले पानी वितरणको अवस्थाबारे जानकारी दिएका छन् ।
चाडपर्वको अवसरमा शुभकामना व्यक्त गर्दै इन्द्रपुर खानेपानीका अध्यक्ष चापागाईंले पानी वितरणको अवस्थाबारे जानकारी दिएका हुन् । कार्यालयमा सञ्चारकर्मीहरूसँग कुरा गर्दै उनले चाडपर्वको समयमा पानीको खपत बढ्ने भएकाले यसबारे जानकारी गराइएको बताए ।
अध्यक्ष चापागाईंका अनुसार हाल खपतभन्दा बढी उत्पादन भएकाले पानी वितरणमा कुनै समस्या नआउने स्पष्ट पारे । साथै, समितिले सम्पन्न गरेका कामहरू र आगामी योजना सम्बन्धी जानकारी समेत प्रस्तुत गरेका थिए । यस्तै खानेपानीको अवस्थाका बारेमा प्राविधिकले समेत जानकारी गराएको छ ।
साथै इन्द्रपुर खानेपानीमा पछिल्ला वर्षहरूमा उल्लेखनीय सुधार भएको बताइएको छ । करिब ८ हजारभन्दा बढी घरधुरीलाई एकैपटक खानेपानीको पहुँच सुनिश्चित गर्नु उपलब्धिमूलक मानिएको छ ।
केदारप्रसाद गुरागाईंको नेतृत्वमा सुरू गरिएको खानेपानी आयोजना तथा सेवा विस्तार हाल नवराज चापागाईंको कार्यकालसँगै अघि बढेको छ । अध्यक्ष चापागाईंले भने “ठूलो क्षेत्रफल र अत्यधिक मागका बीच कहिलेकाहीँ कमजोरी देखिन सक्छ, तर हामी निरन्तर सुधारमा लागिरहेका छौँ ।
स्थानीयहले हालकाे अवस्थामा पानी आपूर्तिमा सहज भएको बताएका छन् । त्रिवेणीचोक उत्तर खानेपानीको ठूलो समस्या यस आयोजनाले सावधान गरेको उल्लेख गरिएको छ । खानेपानीका अध्यक्ष चापागाईंले नयाँ बोरिङ थप गर्नेदेखि पाइप लाइन बिस्तार, तथा पुरानो मर्मत सम्भार गरी गुणस्तरीय पानी वितरण लगायतका सुधारमूलक कार्य भएको बताएका छन् ।
